Ақпан айының алғашқы онкүндігінде ауа райының қолайсыздығына байланысты Ақтөбе бағытына қарай бет алған 807 автокөлік пен мыңнан аса жолаушы көздеген жеріне жете алмай Арал ауданының тұсында тұрып қалды. Діттеген жеріне жете алмай, жол азабын тартқан жолаушыларға жергілікті халықтың және Арал ауданы әкімдігінің ұйымдастыруымен көмек көрсетілді. Олар уақытша Арал индустриалды-техникалық колледжінің жаңа жатақханасына орналастырылды. Жатақханаға орналасқан жолаушылар саны 60, оның екеуі ер адам, 18 бала, 40 әйел адам. Жол қиындығын көріп, табиғаттың қатал мінезіне тап болған жолаушылар жайлы баспана, төсек-жабдық, ыстық тамақпен қамтамасыз етілді.
