Мемлекет басшысы жариялаған Жұмысшы мамандықтарының жылы аясында өткен «Жұмысшы мамандықтар қаласы» фестиваліне Арал индустриалды-техникалық колледжінен бір топ делегация қатысты. Осы шара аясында техникалық және кәсіптік білім беру ұйымдарының арасында техникалық және кәсіптік білім беру жүйесін трансформациялау жөніндегі 2025-2027 жылдарға арналған жол картасы негізінде меморандумдар жасалды. Арал индустриалды-техникалық колледжінің директоры Р.Айназаров Түркістан облысының білім басқармасының Түркістан индустриалды-құрылыс колледжімен екі жақты меморандумға қол қойды.
Бұл екі жақты меморандумның мақсаты – техникалық кәсіптік білім беру саласындағы ғылыми зерттеулер, педагогикалық кадрлардың біліктілігін арттыру және білім беру қызметкерлерінің саясатын әзірлеу мен жүзеге асыру мен студенттердің академиялық мобильділігін жүзеге асыру.
Тараптардың өзара іс-қимылы, сондай-ақ аталған салада келіссөз жүргізуші мекемелер арасында ынтымақтастықты дамыту және қолдау болып табылады.
Кездесу барысында колледж білім алушыларын 2024-2025 оқу жылында өндірістік іс-тәжірибеге тарту, білім бағдарламаларын сәйкестендіру және білім сапасын көтеру бойынша бірлескен жұмыстарды атқару мәселелері талқыланды.
