Сыбайлас жемқорлықпен пәрменді күресу үшін халықтың құқықтық сауатсыздығын жоятын, құқықты түсіндіру жұмысының деңгейі мен сапасын арттыру керектігінің маңызы зор. Халық өз құқығын, өздеріне қарсы қандай да бір құқыққа қайшы іс-әрекет жасалған жағдайда қандай іс-қимыл қолдану керектігінің нақты жолдарын толық білулері қажет. Осы орайда, «Асыл Мұра – Орда» қоғамдық қоры Қызылорда облыстық қоғамдық даму басқармасының әлеуметтік жобасы аясында құқықтық сауаттылықты арттыру, сыбайлас жемқорлықтың алдын алу мақсатында 25 қыркүйек күні «Сыбайлас жемқорлық – қоғам дамуының кедергісі» тақырыбында Арал индустриалды-техникалық колледжінде Қазақстан Республикасының, Сыбайлас жемқорлыққа қарсы іс-қимыл Агентігінің, (Сыбайлас жемқорлыққа қарсы қызмет), Қызылорда облысы бойынша департаментінің жанындағы, мемлекеттік қайраткерлер мен құрметті мемлекеттік қызметкерлер арасынан құрылған спикерлер пулының мүшесі Айтбенбетов Болатбек Серикбаевич студенттерге сұхбат алаңын өткізді.
