Арал индустриалды-техникалық колледжінде 5 қазан – Ұстаздар күні мерекесіне орай ұстаз есімін ұлықтау және оның қоғамдағы орнының биіктігін ұғындыру мақсатында І курс «Токарь» және «Тігінші» мамандығының оқу топтарының қатсуымен мерекелік іс-шара өткізілді. Топ жетекшісі Г.Мирманова мен К.Байқазақованың ұйымдастыруымен өткізілген шара барысында студенттер өздерінің шығармашылық өнерлерін көрсетіп, ұстаздарға арналған жылы ниеттерін білдірді. «Токарь» тобының білім алушылары «Сүйікті ұстазыма» атты қабырға газетін шығарса, «Тігінші» тобының қыздары замануи би өрнегімен ерекшеленді.
Білім алушылардың адамгершілік қасиеттерін дамытып, ұстазды әрқашан сыйлауға бағытталған тәрбиелік іс-шара ұстаздар қауымының көңілінен шығып, ризашылыққа бөледі.
