2024 жылғы 18 қазанда «Ұшқыр ой алаңы» жобасы аясында Арал индустриалды-техникалық колледжінде «Жастарда патриоттық рух бар ма?» атты дебат ойыны өткізілді. Тілдік дағдыларды дамыту және тақырыптық талқылау арқылы құндылықтарды дәріптеу мақсатындағы пікірсайысқа колледждің І курс білім алушылары қатысты. Ойын «Намыс» және «Ақиқат» фракциялары арасындағы тартысты сұрақтарға құрылды. Дебат барысында әрбір топ мүшелері өз ойларын ашық, нақты әрі еркін жеткізуге тырысты. Нәтижесінде «Намыс» тобы жеңімпаз атанды.
