2026 жылдың 02 наурызында «Автомобиль көлігіне техникалық қызмет көрсету, жөндеу және пайдалану» және «Токарлық іс» (түрлері бойынша) мамандықтарының 02-13 наурыз аралығына жоспарланған «Шебер қол –сенімді жол» атты онкүндігінің ашылу салтанаты өткізілді.
Онкүндіктің мақсаты: білім алушылардың зияткерлік әлеуетін арттыру, таңдаған мамандығына деген қызығушылығын және құрметін күшейту, топпен бірлесе әрекет ету дағдыларын дамыту. Сонымен қатар, олардың өздігінен жұмыс істеу қабілетін жетілдіру, ізденімпаздық пен танымдық белсенділігін ынталандыру.
Ашылу салтанатында бірлестік жетекшісі Г.Қуанышова онкүндіктің жоспарымен таныстырып білім алушыларды белсене қатысуға шақырды.
Үлкен үзілісте колледж білімгерлерін сергіту мақсатында «Құпия авто бөлшектерін табу» ойыны ойнатылып, білім алушылар белсене атсалысты.
