«Автомобиль көлігіне техникалық қызмет көрсету, жөндеу және пайдалану» және «Токарлық іс»(түрлері бойынша) мамандықтарының әдістемелік бірлестігінің «Шебер қол – сенімді жол» атты онкүндігі аясында 2026 жылы 4 наурыз күні «ВАЗ 2114 автокөлігіне екі тәсілмен тұтандыру жүйесін орнату (зажигание)» тақырыбында өндірістік оқу шебері Ж.Рекешовтың ұйымдастыруымен II курс білімгерлеріне тәжірибелік сайыс сабақ өткізілді.
Іс-шараның негізгі мақсаты – білім алушылардың кәсіби құзыреттілігін арттыру, тұтандыру жүйесін сапалы әрі қауіпсіз орната алатын маман ретінде қалыптастыру.
Тәжірибелік сайыс сабақтың тапсырмасы бірнеше модульдер бойынша жүргізіліп, қауіпсіздік ережелері қатаң сақталды. Сайыс нәтижесінде:
I орын – Бекұзақұлы Жеңіс;
II орын – Серіков Аманжан;
III орын –Шүкіралиев Арнұр иеленді.
Онкүндіктің жоспарына сәйкес, үлкен үзіліс кезінде колледж білім алушыларымен көңілді ойындар ұйымдастырылып, сыйлықтар таратылды.
