Бүгін Арал индустриалды-техникалық колледжінде жастар арасында құмар ойындардың зиянын түсіндіру мақсатында кездесу өтті. Іс-шараға Арал аудандық жастар ресурстық орталығының маманы Ш.Құрманалиев және аудандық мешіттің наиб имамы Нуржан Кенесханов қатысып, студенттерге лудоманияның қоғамға және жеке адамға тигізер кері әсері туралы баяндады.
Кездесу барысында мамандар құмар ойындарға тәуелділіктің психологиялық, әлеуметтік және діни тұрғыдан зиянды жақтарын түсіндіріп, жастарды салауатты өмір салтын ұстануға шақырды. Сондай-ақ, өз ойларын ортаға салған студенттер көкейлеріндегі сұрақтарға жауап алып, тақырып бойынша пікір алмасты.
Мұндай ақпараттық кездесулер алдағы уақытта да жалғасын табатын болады.
