2026 жылғы 4 наурызда Арал индустриалды-техникалық колледжінің әдістемелік жұмыс жоспарына сәйкес «ОҚУ ҮДЕРІСІНДЕ ЖАСАНДЫ ИНТЕЛЛЕКТІНІ ҚОЛДАНУ» тақырыбында колледж оқытушыларына арналған колледжішілік
семинар-практикум өткізілді.
Мақсаты: білім беру үдерісінде жасанды интеллект мүмкіндіктерін тиімді қолдану бойынша тәжірибе алмасу және педагогтердің цифрлық құзыреттілігін арттыру.
Іс-шара барысында қатысушылар оқыту үдерісінде қолданылатын цифрлық платформалардың мүмкіндіктерін жан-жақты таныстырып, жұмыс ортасын тиімді ұйымдастыру жолдарын көрсетті. Атап айтқанда, Character.ai, Lumio.ai, Gemini.ai, Genially.ai, Wordwall, Fliki.ai секілді ақылды көмекшілерді қолданудың артықшылықтары мен шектеулерін талқылай отырып, өз тәжірибелерімен бөлісті.
Семинар-практикум тыңдаушыларға жасанды интеллектіні сабақта қолдану бойынша тәжірибе жинақтауға мол мүмкіндік берді. Олар жаңа цифрлық мүмкіндіктермен танысып қана қоймай, оны сабақ барысында қолдануға болатын нақты әдіс-тәсілдер алды. Әріптестердің белсенді қатысуы, өзара тәжірибе алмасуы мен қызығушылығы тәжірибелік алаңның мазмұнын одан әрі байыта түсті.
Семинар қорытындысында өз тәжірибесімен бөліскен әріптестерге алғыс хат пен сертификаттар табысталды және колледж кәсіподақ ұйымы атынан сыйлықтар тарту етілді.
