Қызылорда облыстық оқу орталығы әдістемелік кабинетінің ұйымдастыруымен 2025 жылдың 19 ақпанында М.Мәметова атындағы Қызылорда педагогикалық жоғары колледжінің базасында ТжКББ ұйымдарының оқытушыларына арналған "Жасанды интеллекттің білім беру процесіндегі рөлі: тиімді оқыту әдістері мен технологиялары" тақырыбында республикалық аралас форматтағы вебинар өткізілді. Осы вебинарға Арал индустриалды-техникалық колледжінің информатика пәнінің оқытушысы Нурбаева Асемкул Жанзаковна қатысты. Ол вебинарда "Колледж студенттерінің білім кеңістігін дамытуда «Genially» платформасының қосатын үлесі" тақырыбында өз жұмысын ұсынды. Қатысушының ізденімпаздығы мен шеберлігі нәтижесінде сертификатқа ие болды.
Әріптесімізді бұл жетістігімен құттықтап, алдағы уақытта шығармашылық табыс тілейміз!
