Арал индустриалды - техникалық колледжінің білім алушылары аралас жекпе - жектен Алаш прайд халықаралық турнирінің төрт дүркін жеңімпазы Орынбасаров Нұрсұлтан Жұмабайұлы мен қоян - қолтық ұрыстан қазақ қыздары арасында тұңғыш үш дүркін әлем чемпионы, ММА жауынгері Рахмонова Сора Бақтыбайқызымен кездесті.
Кездесу барысында спортшыларымыз жастарға спорт саласындағы нәтижелері мен спортпен тұрақты айналысудың маңызды тұстарын айтты.
Кездесуге қатысушы жастар қоян - қолтық ұрыс пен жекпе - жек спорты жайында сұрақтар қойып, спортшылармен еркін пікір алмасты. Жиын соңында жастар қос спортшыға өз алғысын білдіріп, естелік суретке түсті.
