2024 жылғы 2 желтоқсанда Арал индустриалды-техникалық колледжінде №124 «Токарь» тобында «Буллингтен қорған» атты тәрбие сағаты өткізілді. Топ жетекшісі Г. Мейірманованың ұйымдастыруымен өткізілген іс-шара білім алушылардың буллингке төзбеушілік мәдениетін дамыту және буллинг жағдайында жедел әрекет ету дағдыларын қалыптастыру мақсатында жүргізілді.
Тәрбие сағаты барысында «Буллинг дегеніміз...» атты бейнеролик көруге ұсынылып, сол арқылы «Т-кестесі» толтырылды. Сондай-ақ оқу орнындағы «құпия жерлерді» зерттей отырып, зорлық-зомбылықтың алдын алу мен зардаптары туралы постер жасалды.
Білімгерлерге буллинг жағдайында жедел әрекет ету үшін қажетті жедел желілер мен #неМолчKZ қоры туралы ақпарат берілді.
Тәрбие сағатының соңында дұрыс қарым-қатынас пен буллингті ажырата білу үшін жағдаяттық сауалдар беріліп, топ мүшелерінің пікірі тыңдалды.
