Үстіміздегі жылдың 2-ші қарашасында колледжішілік «Жасөспірім және қылмыс» тақырыбында ата-аналар жиналысы болып өтті. Жиналысқа Арал аудандық прокуратураның прокуроры - Нұртазаев Нұрсұлтан Нұрлыбекұлы, Арал АПб ЖПҚб ЮПТ УПИ полиция лейтенанты - Омаров Тұрар Сабитович, колледж директоры - Айназаров Раким Утемуратович қатысты.
Кәмелетке толмаған жасөспірімдерге кешкі мезгілде сағат 22-00-ден кейін ата-анасыз жүруге, топқа бірігіп ойын - сауық ұйымдастыруға, жеңіл автокөлктер басқаруға тыйым салынады.
Қылмыстық жауапкершілікке қылмысты жасаған жасы 16-ға толған азаматтар тартылатындығы туралы, адам денсаулығына қасақана ауыр зиян келтіру, ауырлататын мән - жайларда денсаулыққа қасақана орташа ауырлықта зиян келтіру, зорлау, жыныстық сипаттағы зорлық әрекеттері, ұрлық, тонау, қарақшылық, қорқытып алу, ауырлатылған мән - жайларда бұзақылық, есірткі заттары мен психотроптық заттарды тарату, ұрлық және зорлық - зомбылық үшін тұлғалар 14 жастан бастап қылмыстық жауапкершілікке тартылатындығын алға тартып түсіндірме жұмысын жүргізді.
Жалпы құқықбұзушылықтықтың орын алуы себебі, балаға дұрыс қадағалаудың жоқтығынан болады.
Әрбір ата-ана! Оқушылардың жүріс - тұрыс тәртібі мен тәрбиесіне аса мән беріп, бос уақытта немен айналысатынына қатаң бақылау жасаса, жасөспірімдер арасындағы құқықбұзушылық пен қылмыстың алдын алуына көп септігін тигізетінін естен шығармаған жөн.
